♫CR Kitchen Life ♫: 獨特自煮：速學中式甜點 27/5/07(日) 蘋果日報

2007年5月31日星期四

獨特自煮：速學中式甜點 27/5/07(日) 蘋果日報

獨特自煮：速學中式甜點
15 分鐘做　擂沙湯圓

星期日係家庭日，好多人都鍾意一家大細上酒樓飲番餐茶，問題係又要等位，又要同人逼，莫講話聚天倫，點心都差

要搶至有得食。其實，想家人悠閒歡聚食

中式點心，不如

屋企大家齊齊動手做咪仲有親子 Feel 。中式鹹點功夫多較難做，甜點則較簡單，今日一於速成學做幾款啦！

記者：林佩婷　
攝影：周旭文

擂沙湯圓
需時： 15 分鐘
價錢： $10/2 人

材料：糯米粉 1 杯、水 3/4 杯（搓粉用）、黑芝麻餡 8 粒、黃豆粉適量

做法：糯米粉加入水搓至滑身成粉糰，把粉糰分成等份，包入黑芝麻餡料。之後煲大半鍋水，水滾才落湯圓，煮至浮起。撈起湯圓，沾上適量黃豆粉即可。

貼士：湯圓一做好就要滾熟，因餡料為流質，攤放太耐容易穿漏。

杏仁豆腐

需時： 1 小時
價錢： $15/1 人
材料：大菜 4 錢（浸軟）、鮮奶 1 1/3 碗、水 2 3/4 碗、杏仁香油 / 雜果各適量

做法：水 / 鮮奶煮滾，下大菜 / 杏仁香油。待大菜溶解後，倒於篩中隔去多餘渣滓成豆腐漿，之後倒入盤中，冷藏約 45 分鐘。凝固後切粒，加入雜果即可食用。

貼士：大菜一定要浸軟，煮滾先轉細火，否則不易溶。

芝麻卷

需時： 15 分鐘　
價錢： $12/2 人

材料：黑芝麻粉 1 盒、水 5 碗、粟粉 1/4 碗、馬蹄粉 / 糖各 1/2 碗

做法：黑芝麻粉加水拌成芝麻水；芝麻水 / 粟粉 / 馬蹄粉 / 糖拌勻後煮熟，倒入長方形盤中，隔水大火蒸約 10 分鐘，待凍後捲起切件即成。

貼士：黑芝麻粉不要過量，否則吃起來會很澀。

馬拉糕

需時： 45 分鐘　
價錢： $15/2 人

材料：

粉 / 糖各 14

、吉士粉 / 奶粉各 2

、泡打粉 8 錢、梳打粉 2 錢、椰漿 1 罐、雞蛋 10 隻、鹼水 1/2 茶匙、溶牛油 8 安士

做法：

粉 / 糖 / 吉士粉 / 奶粉 / 泡打粉 / 梳打粉拌勻，加入椰漿攪勻，再加入雞蛋，打滑後落鹼水，最後加溶牛油，拌勻後倒入蒸盤上。大火蒸 30 分鐘，取出切件便成。

貼士：泡打粉不能落太多，否則馬拉糕會變苦。

潮式水晶包

需時： 15 分鐘
價錢： $15/4 人

材料：生粉 2

、水 1 碗、蓮茸餡 / 豆沙餡各 4 粒、黑 / 白芝麻各適量

做法：將 1/2 碗水 / 生粉拌勻，餘下的水煮滾，撞入生粉水，拌勻成

糰，

糰切粒後輾成薄皮備用；餡料沾上適量芝麻後，以薄皮包好成水晶包，隔水大火蒸約 5 分鐘即成。

貼士：留意水溫，生粉太熟會變韌。整好皮後要快包，否則皮會變硬。

叉燒包最難學
怪師傅話，家居爐頭自然不及酒樓的專業，所以，蒸點心開大火之餘，還要注意蒸鑊有沒有漏氣；可用布包實鑊蓋周圍，以防蒸氣漏出。
至於咁多種中式點心，怪師傅認為叉燒包最難學，因為做法傳統，少用添加劑，味似之餘又要形似。他建議初學者，先學做新興點心如芒果雪花卷之類，雖然也有一定技巧，但就較易上手。