全新! 吉百利牛奶朱古力「爆脆系列」

全新! 吉百利牛奶朱古力「爆脆系列」  

兩款超級驚喜組合　爆趣指數爆哂燈

【2014年4月．香港】自從上年吉百利將你估都估唔到嘅Jelly Beans、蜜糖脆脆同爆炸糖加入香滑嘅牛奶朱古力，創製出吉百利牛奶朱古力「爆脆系列」。吉百利粉絲們試完之後好評如潮，一直引頸以待再有刺激味蕾嘅新驚喜。吉百利團隊為左答謝大家嘅支持，再次發揮無限創意，務求將爆趣指數提升到爆哂燈境界！

 

將軟硬口感共冶一爐 --｢香蕉軟糖+香脆花生｣‧｢棉花糖+紅莓脆脆｣

在吉百利創意工場，我們日以繼夜鑽研，務求尋找最絕配嘅新口味配方。經過無數爆趣味覺測試，成功鎖定｢香蕉軟糖＋香脆花生｣同｢棉花糖＋紅莓脆脆｣兩個非一般軟硬組合。

 

當煙韌嘅香蕉軟糖碰上香脆花生、軟綿綿嘅棉花糖混合紅莓脆脆，一軟一硬，口感既軟糯又有咬口；再加埋百分百香滑美味嘅吉百利牛奶朱古力，未食都知有幾吸引。而且
吉百利仲採用咗得意嘅朱古力模，令到每一粒朱古力嘅內涵以不同形狀示人，勢要由內至外為大家帶來意想不到嘅爆趣滋味，將開心再次升級！

 

隨時隨地帶俾你爆趣一刻

當頭腦閉塞想鬆一鬆，又或者見到身邊嘅同事/朋友悶悶地，一齊分享由吉百利牛奶朱古力｢爆脆系列｣帶給你的爆趣時刻！ 

 

吉百利牛奶朱古力｢爆脆系列｣50g的建議零售價為HK$11.90，現於各大超級市場及便利店有售。